Aḍris agelman s Tcawit
Tizi Lεabed, tesɛa azal n 400 n yimezdaɣ, amur ameqqran deg-sen, d inuwar yiḍ d ifellaḥen. Taqliɛt n Tizi-Lɛabed, d taqdimt tus-d deg tɣiwant n Tizi-Lɛabed tatrart. Tebɛed ɣef temdint n Tbatent azal n 60 n yikilumitren.
Tiddar-nnes tiqdimin skant s uẓru. Abrid-nnes yessewen, yefrurri-d seg ubrid ameqqran. Yebḍa-tt ɣef sen n yiɣiren : aɣir aniji d uɣir aneddi.
Γer umalu, d idurar i as-d-yezzin, ad naf deg-s aslaf, ixef n uyder, irzan... deg-s uxlif sserḥen yudan ixfawen-nsen. Γer unẓul, yella uqewwar n Ijj-qqaḍi d usuf ameqqran.
Γer ugafa, ad naf aqewwar n Umazzer. Γer usammer, ad naf abrid ameqqran d tɣiwant n Tizi-Lɛabed tatrart.
Imir-a, Tizi Lɛabed ssistɛayen deg-s, ttekksen tiddar tiqdimin bac ad ṣkan tiddar-nsen titrarin s ubiṭun, tettqabal-itt-id tɣiwant tatrart uɛan tanmehla dun.
BUƐLI Xeḍra
Taselmadt n tutlayt tamaziɣt
tutlayt-inu
Deg tazwara, tanemmirt tameqqrant ama i tmeskart n uḍris-a ahuskay, ama i bab n ublug-a. Γseɣ kan ad d-bedreɣ dakken awal n "ccerq" agdazal-nnes amaziɣ d "agmuḍ". Asammer d idis ay tettḥaz tafukt. Ma d awal "lɣerb", agdazal-nnes amaziɣ d "ataram", ma d "amalu" d idis idergen i tafat n tafukt.
RépondreSupprimerTanemmirt ɣef tmuɣli-nnek d tamawt s wazal-is i d-tgiḍ i tmeskart. Ssarameɣ ad yili yizen-ik yewweḍ-itt. Aql-aɣɣ di tazwara n umecwar. Mi ara temsawi tegnit n umahil, aṭas n tɣawsiwin iɣef ara nbedd.
Supprimer