Amgired ger snat tarrayin n tesleḍt tazgerkudant d tyenkudant, yettili di "talast" n wakud neɣ di tallit.
Tasnilest tazgerkudant, terza amhaz n tutlayt deg umezruy-is (tettḥaz aṭas talliyin yemyeḍfaren n wakud). Seg yidis nniḍen, tayenkudt, terza kan yiwet tallit (neɣ yiwen wakud i d-tḥerr talast). Deg umedya, mi ara nezrew amyezwar n wawalen n tefyirt, si zik ar assa, nessemras tarrayt tazgerkudant.
Seg yidis wayeḍ, ma nexs kan ad nezrew amyeḍfar n wawalen di tutlayt tamirant (n tura), da, ad nessemres tarrayt tayenkudant - neɣ daɣen - di tutlayt taqburt (n zik) maca war ma nefka azal i umhaz, acku d yiwen wakud kan.
Tagmuẓart n wawalen:
Azgerkud: diachronie - azgar + akud (amhaz seg wakud ɣer wayeḍ)Ayenkud: synchronie - yiwen + akud (yiwen wakud).
Sadaq Bendali
https://sadbendali.blogspot.com/2020/09/azgerkud-d-uyenkud.html
Commentaires
Enregistrer un commentaire