I tudert, yelha wesmekti.
Aṭṭan-a n Kuruna, mačči d netta i yettruḥun seg umkan ɣer wayeḍ. Ur yesεi la aεawdiw, la takerrust, la atilifirik, la aɣerrabu, la tamacint... Allal n usiweḍ i iḥemmel , i yessexdam d amdan. D imdanen i t-i yettawin seg wa ɣer wa, si tmurt ɣer tayeḍ war ma ḥulfan, war ma faqen. I wakken ihi ur igellu ara s terwiḥin-nneɣ d tid n yimdukkal d wid εzizen fell-aneɣ, ilaq-aneɣ ad nfaq, ad naki, ad as-nini ala, d ayen berka. Imussnawen d yiḍbiben (ṭṭebba), zgan ttaken-d iwellihen, yessefk ad ten-neḍfer. Ihi, ur tettu ara:
- Ssirid ifassen-ik/im mliḥ, aṭas tikwal deg wass, s waman d uṣabun.
- Ur srus ara afus-ik/im ɣef wanzaren, aqemmuc neɣ allen-ik/im.
- Mi ara tiliḍ zdat walbeεd, ur ttaẓ ara ɣur-s, eǧǧ gar-awen ma drus, 1m.
- Ma ur k/kem-terri ara tmara, qqim deg uxxam, ur teffeɣ ara.
- Kkes akk asellem d uxemmes xas d yimdukkal neɣ d at twacult-ik/im (wid i ak/am-yettilin).
- Ma tesεiḍ tawla, tusut d wuguren n usnuffes, ilaq-ak/am ad k/kem-iẓer ṭṭbib s tazzla. Syin akkin, d netta ara ixedmen ayen iwulmen ma yufa deg-k/m aṭṭan.
Sadaq Bendali
Commentaires
Enregistrer un commentaire