Tagetnamka

Tabadut:

Tagetnamka d awal uddis, yegber "gget"+ "anamek", anamek-is yesεa aṭas yinumak. Yiwen n wawal, yezmer ad d-yefk aṭas yinumak. Ha-ten-a kra n yimedyaten:

(imyagen, ččar, aɣ, ṭṭef)

Amyag. "ččar":

1.Yeččur weqcic-a.

2.Yeččur wul-is.

3.Yeččur uqerru-is.

4.Yeččur aεebbuḍ-is.

5.Yeččur wulzuz (ssuq).

6.Yeččur d awal.

7.Yeččur d zzux.

8.Yeččur-d aḍellaε.

9.Yeččur wufad-is.

10.Teččur-d si tala. (tugem-d si tala)

Amyag "aɣ":

1.Yuɣ awal n baba-s.

2.Yuɣ abrid n Tala.

3.Yuɣ iselman.

4.Yuɣ abrid yelhan.

5.Yuɣ tamɣart.

6.Yettaɣ awal.

7.Aṭṭan yuɣ akk tawacult.

8.Yuɣ ufus n uḥeccad.

9.Tuɣ-it igen.

10.Tuɣ temtunt.

Amyag "ṭṭef":

1.Teṭṭef afus n yemma-s.

2.Teṭṭef deg wawal-is.

3.Teṭṭef tkerrust-is.

4.Teṭṭef di tutlayt-is..

5.Teṭṭef tmeɣra sin wussan.

6.Teṭṭef tin i as-yukren azrar-is.

7.Teṭṭef aqemmuc-is.

8.Teṭṭef tbuzewwaɣt deg-s.

9.Teṭṭef tawala di tala.

10.Teṭṭef talemmast.

Sadaq Bendali