Targit
Kecmeɣ di targit ruḥeɣ
Ṭṭafareɣ zyen ur nelli
Γer ṭṭlam ttazzaleɣ
D tafat, wwiɣ-as lebɣi
Di tesraft mi kecmeɣ
Ufiɣ-d iman-iw weḥd-i
Sḥassfeɣ
Tarwiḥt-iw ttezmeɣ
Amek teḍra tagi yid-i!
Qqimeɣ d yiman-iw ttnaɣeɣ
Si lbeεd sliɣ i teɣri
Ldiɣ imeẓẓuɣen-iw ad sleɣ
Tasraft tezder di tsusmi
Sliɣ, la selleɣ :
A yemma, ttxilem yid-i ddu
Ala kemm ay nesεa
A yemma ddunit d aɣurru
Aki-d seg yir tanafa
Ini-d anwa ara nesεu
Yiwen ur kem-icuba
A yemma
Limmer d lmut ad nettu
Xas tejreḥ tasa
Imi d yir ddeεwessu
Turez-ikem mebla snesla
Rruḥ-im tetthuddu
Tezzuzun-ikem am lmuja.
F.Cebbiri
Commentaires
Enregistrer un commentaire