Aḍris agelman, mmalent-t ddeqs n tsukaz, ha-tent-a:
A. D aḍris ideg i d-yettili uglam n: wadeg, tumast, amdan, taddart, aɣersiw...
B. Anaw-a n uḍris, yessenkad-d umlan ɣef kra n usentel s usmiwer n tsukaz-is.
C. Daɣen, yettḥaz akk isental war tilas, am umezruy, taẓuri, tussna, tarakalt.
D. Seg-s, ameɣri, ilemmed isallen ɣef kra n usentel d wugar n tmussni fell-as.
E. Ulac di tseddarin-is aḥulfu d turdiwin n umeskar. Afran n usentel, yemmal-it-id di tseddart taneggarut.
Tisetratijiyin n tɣuri n uḍris agelman:
- Taɣuri tazerbant (tarurdant) tafessast n uḍris: azwel, igrezwal (intertitres), isummal... Ad gzuɣ ɣef wacu i d-yettmeslay uḍris d yiferdisen iɣef i d-yewwi.
- Ad aruɣ igrezwal.
- Ad nadiɣ awalen arussinen (ur nettwassen ara).
- Ad derreɣ isallen ixataren.
- Ad geɣ (ad rreɣ) awalen-tisura neɣ iwenniten di tama.
- Ad d-afeɣ aɣawas agelman: tazwart, asnefli, tagrayt.
- Ad d-geɣ agzul d ameẓyan n wayen i gziɣ.
TAΓESSA N UḌRIS AGELMAN:
A. TAZWART:
1. Asentel n usezwer (sujet amené): ad d-ssnekdeɣ asentel s umata, war ma nsmmaɣ-t-id srid. Ad as-sskecmeɣ axemmem i umeɣri war ma fkiɣ-as tiririt.
2. Asentel unkid (sujet posé): ad semmiɣ asentel n uḍris ɣef talɣa n tefyirt tamseɣrut war ma muddeɣ turda-inu
3. Asentel amebḍu (sujet divisé): ad d-fkeɣ tineqqiḍin (iḥricen) n usnefli ara d-yettwabedren deg uḍris.
. Igrezwal: izwal i yettilin ger tseddarin n uḍris.
. Ameskar: win neɣ tin yuran aḍris
. Taɣbalut: d tamkant (tamdint) ideg yettwaẓreg uḍris, aɣmis, tasɣunt, adlis, asmel internet.
B. ASNEFLI:
- Yiwet tseddart i uglam: tamezwarut, syin, imir-n, di taggara...
- Ad d-snekdeɣ aḥric seg yiḥricen (si tneqqiḍin) n usnefli...
- Iḥricen n usnefli, sneflayen-d tiktiwin tigejdanin n uḍris.
- Yal aḥric, yebḍa ɣef waṭas yifurkan (sous-aspects) i yesneflayen tiktiwin tisinanin n uḍris.
- Taseddart nniḍen, ad tili i usuddas aḍrisan (organisateur textuel).
- Ad d-mleɣ tamentilt n ufran n usentel-iw s wazal n sin yifukal yelhan iwulmen.
C. TAGRAYT: (yiwet tseddart)
1. Asuddas aḍrisan n tegrayt:
di taggara, ad nfakk s, taggara n wawal.
2. Asmekti:
Asmekti awezlan n usentel ubdir
3. Alday/tullya:
Asirem, asfillet, asteqsi, afakul, awelleh (recommandation)
4. Iferdisen imuɣlanen (éléments visuels) n uḍris agelman:
. Tugniwin, isummal: zemren ad ilin deg uḍris ideg iswi d asegzi n kra n uferdis seg uḍris.
. Azwel:
d tira i yettilin di tazwara n uḍris
Yura-t-id Sadeq BENDALI
Commentaires
Enregistrer un commentaire