Tilawin n Tiɣilt n Meḥmud, amedya imgerrez n tmeṭṭut taqbaylit

Izen n Lwennas, ur yettmettat

Tajmilt ara rreɣ ass-a, ur telli d awal kan maca d ayen yellan d tidet, d sseḥ. D tajmilt i tlawin Tiqbayliyin akken ma llant, anida ma llant, sut nnif d lḥerma. D tin ara iruḥen srid ɣer tilawin n tiɣilt n Meḥmud, di Ssuq n Letnin (Mεatqa), yal ta s yisem-is,  yal ta s wazal-is.

Asirem n Teqbaylit, meqqer

S lebɣi d usirem meqqren i d-ddant deg umecwar d ubrid n yedles d usnerni-ines. Aɣerbaz-nsent d aɣerbaz n tudert ideg d-wwint tarmit s wacu ttqabalent ddunit.Tulawin-nneɣ ttwalint tilawin i tent-yecban seg tuddar-nniḍen, rrant ad tent-εandent deg wayen xeddment.

Tezdeg n wulawen, d allal n tezdeg n Tiɣilt n Meḥmud

 S lḥir d ccuq d wannuz i teddunt deg umahil -nsent: tiwizi n usizdeg, tuẓẓut n yijeǧǧigen, asbaɣ d usuneɣ, rrqem, awri...asekfel d uḥraz n tsekla timawin ; icewwiqen d ccnawi n zik...Sduklent iɣallen, msefhament ɣef yiwet tekti d yiwen n wawal.

Timlilit n tsutwin

Myennant: "Taddart-nneɣ ad d-tufrar, ad tecbu tudrin-nniḍen s warraw-is, meẓẓiy, meqqer, d argaz neɣ d tameṭṭut, yal yiwen ad d-imudd afus s tazmert-is deg tezdeg d ccbaha n taddart-nneɣ, Tiɣilt-nneɣ, yal tazniqt. yal tamḍiqt ...

Tadukli i yedles d Tmagit

" Ma neddukel, nezdi lqedd ad nbedd am udrar n Ǧerǧer, acemma ur aɣ-yettruẓu, ala tissas d lhiba ara d-nettmuddu". 

Taqbaylit di Mεatqa, mačči d awal kan

"Ma necbeḥ ad d-nefk udem amaynut, ad neddu ɣer sdat deg ttrebga d tmussni, s wakka ad d-nerr i teɣri n mass Ɛisat Rabeh i d-yemlan abrid ara d-yerren azal d yiseɣ i tudrin n Leqbayel.

Farida Cebbiri

I tutlayt-inu