Imesli neɣ afunim "t", d yiwet tumant i yuklalen ad as-yettunefk waṭas n wazal di tutlayt tamaziɣt deg wayen yerzan inadiyen n tesnilest, ladɣa di taɣult tasnislant. Amek? Ifukal i zemreɣ ad d-fkeɣ mačči yiwen i yellan. Nekk, ttwaliɣ "t" d yiwet si "tmental" i yessemgaraden ger tmeslayin daxel n yiwet tantala tamaziɣt si tama; Si tama nniḍen, tessemgarad, tessiwεir amsefham ger yimutlayen n tantaliwin timaziɣin s umata. Amedya, ger Teqbaylit d Tcawit neɣ ger Temẓabt d Tmaheɣt... Ifukal i yi-yesbeɣsen ad d-awiɣ awal ɣef taluft-a, ggten. Ha-ten-a, ad ten-id-bedreɣ:
1. Abeddel n yimesli "t" - ت,ث s yimesli "h" ها
- Di Tcawit neɣ di Tcenwit, md: hamurt=tamurt.
- Di Teqbaylit (di kra tmeslayin): nihni=nitni, ad hen-yawi=ad ten-yawi.
2. Abeddel n ususru n "t" s "tt=ts":
- Di kra n temnaḍin: tamtunts=tamtunt
3. Tibawt n uzenzaɣ "t" = ث d uznaggaɣ "ts":
- Di kra n tmeslayin n Teqbaylit: d tamenzut=ttamenzut (t=ت)
4. Aɣelluy n yimesli "t" deg waddad amaruz:
- Di kra tmeslayin n Yiflisen: taɣart n zemmurt (= taɣart n tzemmurt).
Sadaq Bendali
Commentaires
Enregistrer un commentaire