Deg wayen yerzan anamek di tefyirt, imyagen zemren ad bḍun ɣef snat taggayin: isenḍanen d yirsenḍanen. Amyag, yettili d asenḍan (amsukk), ma yella yesεa asemmad usrid, md:
- Aqrur, yeddem afḍis.
(ddem d amyag asenḍan, afḍis d asemmad usrid)
Amyag, yettili d arsenḍan, ma ur yesεi ara asemmad usrid, md:
- Tusem temɣart ɣef teslit-is.
(asem d amyag arsenḍan - ur yesεu ara asemmad usrid)
Tamawt:
Kra n yimyagen, zemren ad ilin d isenḍanen neɣ d irsenḍanen, md: qqen, ččar, rgel.
Commentaires
Enregistrer un commentaire