Di temsirt yezrin n waddad, nwala tignatin ideg yettili waddad d amaruz. Assa, ad d-nessenked akk tiwuriwin n yisem( neɣ asenfal-is) i t-yettarran deg waddad ilelli. D tid ideg ur yettarez ur yettcuddu deg ususru ɣer wawal nniḍen. Llant smuset (5), ha-tent-aya:
1. ASEMMAD USRID:
- Yečča ujrad tamurt.
- Yeksa ulli deg ugdal.
2. ASEMMAD WAR TANZEΓT:
n wadeg:
- Gganimt, da.
n wakud:
- Ad d-yekcem, tameddit.
n tɣara:
- Ssired tuɣmas-ik, akka.
n tesmekta:
- Uɣen axxam, yeswa amelyar.
n usegzu:
- Yettmeslay imeslayen umεinen.
* Asemmad war tanzeɣt, yezmer ad yili d isem, d amernu neɣ d tanfalit.
3. ASEMMAD WAR TANZEΓT ILELLI neɣ ASEMMAD N USENTEL:
n umigaw:
- Tamɣart, teẓḍa aεlaw.
n uwṣil n umyag usrid:
- Yuba, ssneɣ-t.
n uwṣil n umyag arusrid:
- Amcic, tefka-as akeffay.
n uwṣil n tenzeɣt:
- Tamazirt, teẓẓa deg-s tajilbant. (tamazirt)
n yisem:
- Amaẓuẓ, d Mayas.
n umqim:
- Amaẓuẓ, d netta.
n uwṣil n usnekdan:
- Agenduz, ha-t. (agenduz)
n uwṣil n usestan:
- Takarḍa-nnek, anida-tt?
4. ASEMMAD N USAMI D USEMMAD N USIWEL :
asemmad ilelli:
- Dihya, gma-s, yeqqar di tmaneɣt. (gma-s)
asemmad n usiwel:
- Masi, uɣal-d ad teččeḍ yid-neɣ imekli.
- A Masi, uɣal-d ad teččeḍ yid-neɣ imekli.
* Tikwal, trennu tazelɣa n usiwel "a" zdat n usemmad ilelli n usiwel (am di tefyirt 2).
5. Isemmaden inezɣanen yettḍafaren tinzaɣ: ar, war, bla, s (n tnila) - (tid ur ntegg ara addad amaruz).
- Rǧu-aneɣ ar tameddit.
- Kcem s aɣerbaz.
- Yeffeɣ deg ugeffur war tasiwant.
- Yeffeɣ deg ugeffur bla tasiwant.
Inumak:
- asemmad usrid: C.O.D
- asemmad war tanzeɣt ilelli: complément circonstanciel sans préposition (à l'état libre)
- anammal n usentel: indicateur de thème
- asemmad n usami: apposition
- asemmad n usiwel: apistrophe
- isemmaden inezɣanen: compléments circonstanciels prépositionnels
Sadaq Bendali
Tamawt:
Kra si tesniremt yettwamersen, d isumar n umeskar.
Commentaires
Enregistrer un commentaire