Di tseftit, yemgarad wamek yettaleɣ WANAḌ USSID d WURMIR USSID. Nezmer ad nebḍu imyagen ɣef 6 waggayen ilmend n tarrayin n usileɣ n wussid-nsen:
1. S tussda n tergalt:
- cfu/ceffu, tceffuḍ
- ẓer/ẓerr, tẓerreḍ
- lmed/lemmed, tlemmdeḍ
2. S tmerna n umatar n wussid:
- aẓ/ttaẓ, tettaẓeḍ
- ili/ttili, tettiliḍ
- uɣal/ttuɣal, tettuɣaleḍ
3. S temlellit:
- sgen/sgan, tesganeḍ
- ssizweɣ/ssizwiɣ
- ssifeg/ssafag, tessafageḍ
4. S temlellit d tussda n tergalt:
- del/ddal, teddaleḍ
- mel/mmal, temmaleḍ
- ẓed/ẓẓad, teẓẓadeḍ
5. S temlellit d tmerna n umatar n wussid:
- cennef/ttcennif, tettcennifeḍ
- mured/ttmurud, tettmurudeḍ
- gaber/ttgabar, tettgabareḍ
6. S tussda n tergalt d tmerna n umatar n wussid:
- eg/tegg, tetteggeḍ
- el/ tell, tettelleḍ
Tamawt:
Tarrayt-a tis 6, deg-s kan 2 yimyagen "eg, el", tezmer ad tenneḥsab d tasureft kan.
Commentaires
Enregistrer un commentaire