Amek ineṭṭeḍ covid-19?
Kuruna i d-ikeflen di Cinwa, yezmer ad t-yessenṭeḍ umdan i wayeḍ s tmeqwa i d-iteffɣen seg uqemmuc neɣ seg wanzaren. Yezmer ad yeḍru waya, mi ara yeεḍes win yuḍnen neɣ yesguḥ. Timeqwa-a timeẓyanin maḍi, zemrent ad rsent ɣef tɣawsiwin yellan tama n umuḍin, ad qqiment akken din, d timar (aṭas sswayeε). Syin akkin, mi inul walbeεḍ imukan-nni anida llant dɣa ad d-neṭḍent deg ufus-is.
Mi yekmez neɣ yeṭṭef anzaren-is, allen-is neɣ imi-s dɣa ad yers ubirus-nni ɣef uglim-is, ad yeṭṭef umdan-nni lehlak n Kuruna. Yezmer daɣen ad t-yessenṭeḍ umuḍin ma yusu neɣ yeεḍes srid zdat wudem n walbeεḍ. Daymi ur ilaq ara ad neqqim tama n win yesεan aṭṭan-a. Yessefk, ad nbeεεed fell-as, ma drus amiter (1 m).
Isɣalen d tsukkaz n Kuruna:
Imdanen ideg yeṭṭef Covid-19, zemren ad ḥulfun i yisɣalen-a:
- Tazzla n wanzaren.
- Aneqruḥ n tgerjumt.
- Tusut (asguḥu).
- Tawla.
- Awεar n usnuffes (wa, yettili ɣer wid yenṭerren).
Sadaq Bendali
https://sadbendali.blogspot.com/2020/11/antad-n-waddan-n-kuruna.html
Commentaires
Enregistrer un commentaire