Imataren udmawanen

Deg umyag yeftin, tella tmeẓri, yella umatar udmawan. Deg usniles uṭṭun 8, neẓra timeẓra. Assa,, ad d-nesmekti imataren udmawanen. Llan yimataren udmawanen yerzan anaḍ d wanaḍ ussid, llan wid yerzan timeẓra nniḍen: izri, urmir d wurmir ussid.

1. Imataren udmawanen yerzan anaḍ d wanaḍ ussid:

 ----------------: udem wis 2 n wasuf (kečč, kemm) 
md:  af, ttaf
 ---------------t: udem wis 2 amalay asget (kunwi) 
md: afet, ttafet
 -------------mt: udem wis 2 unti asget (kunemti) 
md: afemt, ttafemt

Tamawt:

Yella wanida sseqdacen "..........m" i kunwi (afem, ttafem, arum, ttarum)

2. Imataren udmawanen yerzan izri, urmir d wurmir ussid:

Udmawen n wasuf:
 ----------------ɣ: udem amezwaru n wasuf (nekk) 
md: ufiɣ, ad afeɣ, ttafeɣ.
 t---------------ḍ: udem wis 2 n wasuf (kečč, kemm) 
md: tufiḍ, ad tafeḍ, tettafeḍ.
 i/y--------------: udem wis 3 amalay asuf (netta) 
md: yufa, ad yaf, yettaf
 t----------------: udem wis 3 unti asuf (nettat) 
md: tufa, ad taf, tettaf

Udmawen n usget:
 n---------------: udem amezwaru n usget (nekkni, nekkenti) md: nufa, ad naf, nettaf
 t-------------m: udem wis 2 amalay asget (kunwi) 
md: tufam, ad tafem, tettafem
 t-------------mt: udem wis 2 unti asget (kunemti) 
md tufamt, ad tafemt, tettafemt
  ----------------n: udem wis 3 amalay asget (nitni) 
md: ufan, ad afen, ttafen
  ---------------nt: udem wis 3 unti asget (nitenti) 
md: ufant, ad afent, ufant

Tamawt:
Aṭas n yimyagen n tɣara, mgaraden yimataren-nsen udmawanen deg yizri. Ha-ten-aya:

•  Nekk: ........................ɣ md: fessuseɣ
•  Kečč, kemm: .............ḍ md: fessuseḍ
•  Netta: ........................ md: fessus
•  Nettat: ......................t md: fessuset
•  Nekkni: .....................it md: fessusit
•  Kunwi: ......................it md: fessusit
•  Kunemti: ..................it md: fessusit
•  Nitni: ........................it md: fessusit
•  Nitenti: .....................it md: fessusit

* Imataren-nsen udmawanen llan akk di taggara.
* Udmawen n usget, amatar-nsen udmawan akk, d "it"
* Udem wis 3 amalay asuf (netta), ur yesεi ara.

Sadeq Bendali

https://sadbendali.blogspot.com/2020/11/imataren-udmawanen.html