Yiwen wass, yemlal-d wuccen d yizirdi, yenṭeq yizirdi ɣer wuccen, yenna-as :
- Ay uccen, selmed-iyi timsal n ddunit, mel-iyi amek ara lḥuɣ d yemdanen? .
Yerra-as-d wuccen :
- Yak ad taɣeḍ awal-iw, ayen i ak-d-nniɣ ad t-txedmeḍ! .
- Yerbeḥ, ad ak-aɣeɣ awal.
- Ihi, ali ɣer tiɣilt-ina tḍeggreḍ-d iman-ik.
- Amek! Ad d-ḍeggreɣ iman-iw ! .
- Ma yella ad iyi-d-teṭṭfeḍ! .
- Ttkel fell-i, ur ttuggad, ad ak-id-ṭṭfeɣ.
Yuli yizirdi ɣer tiɣilt-nni, iḍegger-d iman-is yerrez akk, yeddegdeg ...
Yenṭeq ɣer wuccen :
- Ad ak-yexdeε Rebbi akken iyi-txedεeḍ, tkellxeḍ felli.
Yerra-as-d wuccen :
- D tagi i d tamsirt tamezwarut ; ur ttamen yiwen di ddunit, akken yebɣu yenna-ak ...
Farida Cebbiri
tutlayt-inu
https://sadbendali.blogspot.com/2020/11/izirdi-d-wuccen.html
Commentaires
Enregistrer un commentaire