Tagetnamka

D acu ay d tagetnamka?

Tagetnamka, tella deg wawal ilan aṭas yinumak yemgaraden. Tagetnamka, d awal uddis, yegber "get" + "namek" = gten - aṭas yinumak. Awal ilan aṭas yinumak, neqqar-as "agetnamkan". Amedya, amyag "ečč", d agetnamkan.

• Yečča -t yilel/  yeɣreq.
• Yečča-t wul-is / Iɣad -it lḥal ɣef kra n temsalt.
• Yečča-t / yexdeε-it.
• Yečča-t s tmuɣli / yettxezzir-it.
• Yečča imawlan-is / d agujil n yimawlan...

Imedyaten n wawalen igetnamkanen nniḍen:

Amyag "aɣ":

1.Yuɣ awal n baba-s.

2.Yuɣ abrid n Tala.

3.Yuɣ iselman.

4.Yuɣ abrid yelhan.

5.Yuɣ tamɣart.

6.Yettaɣ awal.

7.Aṭṭan yuɣ akk tawacult.

8.Yuɣ ufus n uḥeccad.

9.Tuɣ-it igen.

10.Tuɣ temtunt.

Amyag "ṭṭef":

1.Teṭṭef afus n yemma-s.

2.Teṭṭef deg wawal-is.

3.Teṭṭef tkerrust-is.

4.Teṭṭef di tutlayt-is..

5.Teṭṭef tmeɣra sin wussan.

6.Teṭṭef tin i as-yukren azrar-is.

7.Teṭṭef aqemmuc-is.

8.Teṭṭef tbuzewwaɣt deg-s.

9.Teṭṭef tawala di tala.

10.Teṭṭef talemmast.

Amyag "ččar"

1.Yeččur weqcic-a.

2.Yeččur wul-is.

3.Yeččur uqerru-is.

4.Yeččur aεebbuḍ-is.

5.Yeččur wulzuz (ssuq).

6.Yeččur d awal.

7.Yeččur d zzux.

8.Yeččur-d aḍellaε.

9.Yeččur wufad-is.

10.Teččur-d si tala.

* Ttxil-wen, ssegzit-d tifyar deg yiwenniten.

Sadaq Bendali

https://sadbendali.blogspot.com/2020/11/tagetnamka.html