Talɣa n umyag yeftin

Deg umyag yeftin, llan sin yiḥricen: afeggag d umatar udmawan. Deg umedya "ttazzalent", afeggag d "ttazzal", ma d "ent", d amatar udmawan.
 1. Afeggag: deg-s aẓar d teɣra, yemmal anamek d tmeẓri ukkud yefti umyag. 
 2. Amatar udmawan: yemmal udem ukkud yefti umyag.

Imedyaten:

Yettmurud: ye/d amatar udmawan wis 3 n wasuf amalay (netta). ttmurud/d afeggag n umyag yeftin ɣer wurmir ussid.
Tbedd: t/d amatar udmawan wis 3 n wasuf unti (nettat). bedd/d afeggag n umyag yeftin ɣer yizri.
Aznet: azn/d afeggag n umyag yeftin ɣer wanaḍ. et/d amatar udmawan wis 2 n usget amalay (kunwi)
(ad) ugireɣ: ugir/d afeggag n umyag yeftin ɣer wurmir. eɣ/d amatar udmawan 1u n wasuf (nekk).

Asmekti:

Talɣa taḥerfit d talɣa n umyag ur nefti ara. D nettat i d tameẓyant di talɣiwin acku ulac deg-s amatar udmawan (neɣ ticraḍ nniḍen).

Sadaq Bendali

https://sadbendali.blogspot.com/2020/11/tala-n-umyag-yeftin.html