Tazelɣa n usiwel "a"

Tazelɣa n usiwel "a" d yiwen uferdis i nessemras deg usiwel neɣ deg undah. Adeg-is di tefyirt, zdat yisem n win (ayen) i yerza usiwel neɣ iwumi nendeh. Md:

• A mass.
• A massa.
• A taqcict.
• A aqcic. (da, nessusruy: a-y-aqcic)

Deg ususru, mi ara tili tezwar isem yebdan s teɣri, nrennu-as "y" n tayayt. Ma di tira, ur yessefk ara ad tbeddel:

• Uɣal-d zik a uḥric 

(xas nessusruy "a-y-uḥric", nettaru "a uḥric")

• Akit a Imaziɣen 

(xas nessusruy "a-y-Imaziɣen", nettaru "a Imaziɣen")

Timawin:

1. Awal i yeṭṭafaren tazelɣa n usiwel, yettili deg waddad ilelli. Imedyaten:

• A izem, anda telliḍ?
• A tameṭṭut, rebbi tarwa-m.
• A uzlig anef-iyi.

2. Awal i yeṭṭafaren tazelɣa n usiwel, yezmer ad yili d isem neɣ d asenfal-is:

• A Masensen (d isem)
• A ungif (d iglem/arbib)
• A tinnat (d amqim arbadu)
• A udem n yiddew (d tanfalit)

Sadaq Bendali