Ajenwi iflis

 Ajenwi neɣ axedmi iflis d win yellan yettwaxdam si zik ɣer Yiflisen n Yilel (n lebḥer). D adrum i d-yezgan ger Delles (Bumerdas) d Tegzirt (Tizi Wezzu), di Tmurt n Leqbayel. Ajenwi-a yettili d ameẓyan, d alemmas neɣ d ameqqran. Aqessim iseεεu di teɣzi-s ger 50 sm ar 1 m; di talɣa d imselles, d alebḍan d urqim.

Afus-is yemmugg ɣef talɣa n uqerru n uɣersiw. Isem-a "ajenwi" yekka-d seg yisem "Jinwa", ta d tamdint di Ṭalyan acku syin i llan ttawin-d tilwiḥin n wuzzal s wayes xeddmen Yiflisen ijenwiyen d iqessimen. Xas ula di temnaḍin nniḍen n Leqbayel d Lezzayer xeddmen ixudmiyen d yijenwiyen, wid yettwaxdamen ɣer Yiflisen mucaεit aṭas aṭas, ifen akk wiyeḍ.

Takenwa:

Ajenwi, tajenwit, axedmi, aqessim, agestur, takuba, asekkin.

* I tɣuri ugar ɣef usentel-a, tzemreḍ ad tadfeḍ ɣer wikipedia.

Sadaq Bendali