Tinfaliyin tusbikin - asbak

D acu-ten?

Am di tutlayin nniḍen, di Tmaziɣt, llant tenfaliyin

tusbikin. Tanfalit tusbikt, tettili d aggay n wawalen yettemyeḍfaren neɣ d tafyirt. Ilaq ad nẓer belli tesεa yiwen unamek kan, ur yettb0ddil ara. Daɣen, yemgarad ɣef unamek ara d-fken wawalen-is ma bḍan, yal yiwen iman-is. Tikwal, tinfaliyin tusbiin, ttilint d inzan. 

Amedya 1:

Ikeccem ger yiccer d uksum.

Anamek-is: 

Yettḥettic, yettnadi aṭas ad yefhem, xas d ayen i t-yexḍan - Mačči dɣa, yezmer walbeεḍ ad yaweḍ ad yekcem ger yiccer d weksum n uḍad: ulamek, d awezɣi.

Amedya 2:

Temlal tasa d way turew.

Anamek-is: 

Mlalen-d akk wid εzizen, ayt yiwet twacult. Wamag, tasa ur tettarew ara. D amdan (tameṭṭut) i yettarwen i iseεεun arraw-is.

Kra n tenfaliyin tusbikin:

• Ur d-smektay agujil ɣef yimeṭṭawen.
• D aseqcer n temẓin.
• Efk-as afus n tallelt.
• Di tuqqna n tiḍt.
• D afus-is ayeffus.
• Yefla ufus-is.
• Flan leǧyub-is.
• Acḥal ɣezzif yiles-is!
• Ulin-as yidammen ɣer uqerru.
• Ur yettenneḍ ara iles-is.
• Ayɣer la tettfeẓẓaḍ di tqeṭṭiḍt!
• Ur yeẓri Ḥemza anida yenza.
• Uεuss igenni d tmurt.
• Ad tɣeẓẓeḍ iḍudan-ik.
• Adder-d aydi, teddmeḍ aεekkaz.
• Amdan (argaz) yettwaṭṭaf seg yiles.
• Iles ẓiden iteṭṭeḍ tasedda.

Sadaq Bendali

https://sadbendali.blogspot.com/2020/12/tinfaliyin-tusbikin-asbak.html?m=1

1. 
   
2.