Deg unekmar-a, anelmad, yezmer ad yersεu tizemmar, ad yernu ad yizmir ad itegg atas n yixeddimen, deffir mi ara iεeddi kra seg umecwar-is aɣurbiz. Annect-a, ad t-yelmed unelmad deg yirmad iɣurbizen yemgaraden i igebren timussniwin. Tamussni di tarrayt-a, d nettat ay d iswi-s agejdan.
Anekmar s yigburen, yella itegg azal i tmussniwin i yuɣalen d iswan i yal tignatin n uselmed. Aselmad, yuɣal yettxemmim kan amek ara yessiweḍ ɣer tmussniwin . Ilehhu di tanga n uselmed (armud) ugar n wayen i d-ilehhu d yinelmaden-is d usnerni n tzemmar-nsen.
Di tarrayt-a, ad naf iselmaden ttmuqulen ugar ɣer tezmilin (deg uktazal) ugar n wayen ttmuqulen ɣer tzemmar n yinelmaden. Am wakken di tezmilt-nni i d-yettawi unelmad deg ukayad i yella uswir-is!
S wakka, iban-d d akken anekmar s yigburen ixuss atas acku yettmuddu azal i urmud n uselmed ugar n urmud n ulmud. Daɣen, ur yettunefkay ara wazal i wayen zemren yinelmaden d umgired gar-asen akked yiswan n ulmud.
Sadaq Bendali
https://sadbendali.blogspot.com/2021/01/anekmar-s-tzemmar.html
Commentaires
Enregistrer un commentaire