Asileɣ n wunti

Deg umata, asileɣ n wunti n yisem neɣ n yiglem (arbib), yettili-d s tmerniwt n "t" di tazwara d taggara n umalay. Deg yismawen, llant talɣiwin nniḍen n usileɣ n wunti.

1. tarrayt tagejdant "t-------t":

anelmad - tanelmadt

awtul - tawtult

axxam - taxxamt

2. "t" di tazwara d tmerniwt n tergalt i "t" n taggara:

1. "t" di tazwara, wt di taggara "t-------wt" :

ameksa - tameksawt

2. "t" di tazwara, "yt" di taggara "t--------yt":

aɣerda - taɣerdayt

3. "t" di tazwara, "ct" di taggara "t--------ct":

aḍad - taḍadect

3. "t" di tazwara d teɣri "a" neɣ "i" di taggara:

1. "t" di tazwara, "a" di taggara "t-------a":

agaref - tagarfa

2. "t" di tazwara, "i" di taggara "t--------i":

asusem - tasusmi 

Tamawt:

Asileɣ n wunti n yigelman (irbiben), yettili-d kan s tarrayt tagejdant "t--------t", md:

aẓidan - taẓidant

unciw - tunciwt

ameqqersu - tameqqersut

Sadaq Bendali

https://sadbendali.blogspot.com/2021/01/asile-n-wunti.html