Internet, d allal amaynut, yettusemras deg umaḍal s umata, deg yal aḥric-it. Ma ulac-it, aṭas n lecɣal ara iḥebsen, aṭas n yiɛewwiqen ara d-nemmager. Maca akken ila ibaɣuren, i yesɛa uguren d leɛyub. Ihi, d acu-t nnfeɛ-is d lemḍerra-s?
Tis-snat, d allal n tmussni; ticki ur nefhim ara kra, nezmer ad t-id-nnadi, deg-s ad naf akk isallen yerzan asentel-nneɣ; d tussna neɣ d tasekla… Tayeḍ, kra ara yeḍrun deg umaḍal, yella deg internet; d ineḍruyen n wass-a neɣ d wid n talliyin yezrin; deg-s amaynut d uqdim; d isallen n tmurt-nneɣ d wid n tmura n medden, ayen ara d-yeḍrun, imir imir, ad yaweḍ leǧnas.
Yis-s ad nissin timura, mebla ma nerza ɣur-sent. D tidet, allal-agi yenfeɛ nezzeh, meɛna yezmer ad d-yeglu s lemḍarra i win ur t-nessemras ara akken yelha; tamezwarut, win isexdamen internet s waṭas, issaḍan allaɣ-is, imi yettuɣal-as d tannumi, ur ittizmir ara ad as-ibaɛed rnu ɣur-s anɣas n wallen d uqraḥ n uɛrur; amdan ma ur iḥuder ara, ad tettwaɣ tezmert-is.
Tayeḍ, ibeṭṭu iɛeggalen n twacult, imi yal wa ad t-tafeḍ yeṭṭef tiɣmert am yiḥizi daɣen ixerreb ttrebga n umdan; isbaɛad-it ɣef wansayen d tjaddit, issexsar idles-ines, imi yettɛanad ɣer tmura n lberrani, iḥeffeḍ-d leɛwayed-nsen. Rnu ɣur-s, uraren i yettawin igerdan-nneɣ ɣer wayen ur nelhi, tikwal gellun ula s terwiḥin-nsen; llan wid yemmuten ssebba-nsen; am wurar-nni n Lḥut azegzaw.
Ɣer taggara, ad d-nini belli internet yenfeɛ-aɣ nezzeh deg tudert-nneɣ, maca yewwi-d ɣef wid i t-isemrasen, ad meččren ibaɣuren-is, ad ǧǧen leɛyub-is d lemḍarra-s. Ihi, yewwi-d fell-aneɣ, ad t-nessexdem deg wayen ara aɣ-inefɛen, ad nwexxer ɣef wayen ara aɣ-id-yawin lebla.
Samira HOCINI BEN ABDELMALEK
Tutlayt-inu
https://sadbendali.blogspot.com/2021/02/internet-yuklal-asemres-igerrzen.html
Commentaires
Enregistrer un commentaire