Taggayin n yimyagen

Nezmer ad nebḍu imyagen ilmend n talɣa n wussid-nsen (anaḍ ussid d wurmir ussid). S wakka ad naf smuset taggayin i yerzan ama imyagen iluganen ama irluganen. Tella taggayt tis 6, maca deg-s sin yimyagen kan. Ẓer tafelwit-a:

Taggayin n yimyagen	Amyag alugan (amedya)	Amyag arlugan (amedya)
1.S tussda n tergalt	zwi/zewwi	rnu/rennu
2.S tmerna n umatar n wussid	uɣal/ttuɣal	aẓ/ttaẓ
3.S temlellit	ssendeh/ssendah	ssiweḍ/ssawaḍ
4.S temlellit d tussda n tergalt	gen/ggan	mel/mmal
5.S temlellit d tmerna n umatar n wussid	mured/ttmurud	seggem/ttseggim
6.S tussda n tergalt d tmerna n umatar n wussid		eg/tegg

Tamawt:

Taggayt tis 6 i d-yettilin s tussda n tergalt d tmerna n umatar n wussid, nezmer ad as-nsemmi tasureft. 

Deg-s kan sin yimyagen: eg/tegg, el/tell.

Imyagen nniḍen:

Taggayt 1: ldi/leddi, cfu/ceffu.

Taggayt 2: if/ttif, afeg/ttafeg.

Taggayt 3: sgen/sgan, sdegdeg/sdegdig.

Taggayt 4: ẓed/ẓẓad, ɣer/ɣɣar (qqar).

Taggayt 5: gaber/ttgabar, mudd/ttmuddu

Tamsirt, yessewjed-itt-id Sadeq Bendali

https://sadbendali.blogspot.com/2021/03/taggayin-n-yimyagen.html