Taseftit n umyag arlugan

Taseftit n umyag arlugan
Nessen d akken amyag arlugan d win ideg talɣa n wurmir temgarad ɣef tin n yizri. Md:

  • nura (izri) # (ad) naru (urmir)

  • yufeg (izri) # (ad) tafeg (urmir)

  • ggulleɣ (izri) # (ad) ggalleɣ (urmir)

G.M:

Imyagen "aru, afeg, ggall", d irluganen. Di yal udmawen, taseftit-nsen ɣer yizri, tettemgarad ɣef tin n  wurmir.

Afeggag n umyag arlugan:

Afeggag n umyag arlugan, yettemgarad ger yizri d wurmir. Ad nẓer imedyaten-a:

Izri: 

  • ufgeɣ, tufgeḍ, yufeg, tufeg, nufeg, tufgem, tufgemt, ufgen, ufgent.

Urmir: 

  • ad afgeɣ, ad tafgeḍ, ad yafeg, ad tafeg, ad nafeg, ad tafgem, ad tafgemt, ad afgen, ad afgent.

Anaḍ: 

  • afeg, afget, afgemt.

Afeggag n umyag arlugan deg yizri ibaw:

  1. Llan yimyagen irluganen, afeggag-nsen n yizri ibaw am win n yizri ilaw. Md:

  • ggullen = ur ggullen ara.

  • xutlen = ur xutlen ara.

  • ufan = ur ufin ara.

  1. Llan yimyagen irluganen, afeggag-nsen n yizri ibaw yemgarad ɣef win n yizri ilaw s teɣri n tibawt. Md:

  • tusem # ur tusim ara

  • tessen # ur tessin ara

  • tedder # ur teddir ara

Amedya n tseftit akked tmeẓra akk:


amqim

izri ilaw

izri ibaw

urmir

anaḍ

anaḍ ussid

Nekk

Kečč

Netta

Nettat

uzneɣ

tuzneḍ

yuzen

tuzen

ur uzineɣ

ur tuzineḍ

ur yuzin

ur tuzin

ad azneɣ

ad tazneḍ

ad yazen

ad tazen


azen


ttazen

Nekkni

Kunwi

Kunemti

Nitni

Nitenti

nuzen

tuznem

tuznemt

uznen

uznent

ur nuzin

ur tuzinem

ur tuzinemt

ur uzinen

ur uzinent

ad nazen

ad taznem

ad taznemt

ad aznen

ad aznent


aznet

aznemt


ttaznet

ttaznemt

Tamawt:

Ama deg yimyagen irluganen, ama deg yirluganen, afeggag n wanaḍ am win n wurmir, afeggag n wanaḍ ussid am win n wurmir ussid.

Tamsirt, yessewjed-itt-id Sadeq Bendali


https://sadbendali.blogspot.com/2021/03/taseftit-n-umyag-arlugan.html

Commentaires