Axxam n Leqbayel aqdim

 

Axxam n Leqbayel aqdim d win  yettwabnan s wakal d usɣa. Ssqef-is, d aqermud azewwaɣ. Deg unebdu semmeḍ, deg tegrest yeḥma. 

Yal axxam, yesεa tizeɣwa, aseqqif d lḥara. Afrag, ttessun-t s teblaḍin, deg-s ara naf tigrurin n tyuzaḍ, d yiwtal. Aseqqif, tella deg-s tesrirt i yiɣimi,  ttɣiman deg-s tlawin d yirgazen, akken tturaren deg-s warrac. Ma d taxxamt n usewwi neɣ taseqqift, tesεa lkanun, rsen fell-as yinyen,  kra n yijeqduren n wakal i ssemrasen am tuggict d uferraḥ...

Lejdud-nneɣ zik, ssemrasen kan dduzan n talaɣt ama i ujmaε neɣ i lexzin . Di yal axxam, ad naf ikufan ideg ttgen iniɣman, awren d yirden...ayen tesserseḍ deg yikufan, ur ixesser ara. D tagrest neɣ d anebdu, akken i yettɣima. Tasebbalt, azal-is meqqer, aman-is semmḍit, bninit. Ma d zzit ttarran-tt deg ucbayli neɣ leqseḍ akken ur tettiqsiḥ . Abisar, arkul d tassemt akked lexliε ttgen-ten di tegdurt.

Tudert n yimarawen-nneɣ tebna ɣef tirmit, yal cci, yal aḥric n tmeddurt-nsen gan-as azal, teddun s lqis d leḥder.

Tinelmadin deg uswir wid kraḍ: 

Neεman Milisa, Mumu Kenza d Si Tayeb Liza.

Aɣerbaz alemmas Unar, Mεatqa.

Tutlayt-inu

https://sadbendali.blogspot.com/2021/05/axxam-n-leqbayel-aqdim-axxam-n-leqbayel.html