Imyagen at yilem "e" di tazwara

Neẓra d akken di tutlayt tamaziɣt, s tarrayt tamatut, ur nettaru ara tiɣri tilemt di tazwara n wawal.

Si tama nniḍen, tella tsureft di kra n yimyagen at yiwet tunṭiqt. Imyagen ur nesεi ara tiɣri nniḍen di tlemmast akked taggara, ttarun s "e" di tazwara-nsen. Md: els, ečč.

Nezmer ad ten-nebḍu ɣef 3 taggayin:

• Imyagen at yiwet tergalt taḥerfit:

eg, el.

• Imyagen at yiwet tergalt tussidt:

ečč, eǧǧ, ekk, err, eww.

• Imyagen at snat tergalin:

eḍs, eks, els, ens, enɣ, enz, eɣz, ers.

Tamawt:

Imyagen-a, seεεun tiɣri tilemt di tazwara mi ara yilin di talɣa taḥerfit neɣ ftin d wudem wis 2 n wasuf (kečč).

Sadaq Bendali

https://sadbendali.blogspot.com/2021/05/imyagen-at-yilem-e-di-tazwara.html