Aql-i cerḍeɣ

S: yezmer ad yi-yeṭṭef waṭṭan n covid 19?

R: ih, xas tcerḍeḍ tzemreḍ ad taḍneḍ kuruna.

S: dɣa ihi ayɣer ara cerḍeɣ?

R: acraḍ, win icerḍen, ur t-yettḍurru ara waṭṭan.

S: amek?

R: ma necreḍ, ttlalen-d deg-neɣ yimgalfekkanen i yettẓerriben i turin-nneɣ akken ur yettaɣ ara deg-sent mliḥ unfafad; s wakka ad neqqim nezmer ad nneffes.

S: ah, yerbeḥ. D acu n ucraḍ i yelhan ihi?

R: kifkif, lhan akk. Xas tikwal yezmer ucraḍ ad d-yessegri cwiṭ n tawla neɣ aqraḥ afessas, annecta mačči d ugur ɣef tezmert.

S: maca llan yimuḍan i ikecmen sbiṭar xas akken cerḍen, amek ara ad d-tessegzuḍ annecta?

R: ma necreḍ mi ara yili covid 19 yelḥa mliḥ ger yimdanen, ur nezmir ara ad nẓer amuḍin ucriḍ ma tuɣ yella deg-s ubirus neɣ ala; daymi ur asen-ilaq ara ucraḍ i wid yekcem waṭṭan alamma kfan deg-sen yisɣalen n kuruna.

S: I yilmeẓyen daɣen ilaq ad cerḍen?

R: ih, Delta, yettaṭṭaf imdanen d tirni, meqqer neɣ meẓẓiy. Tura, la nettwali aṭas n yilmeẓyen i la yettaḍnen, keccmen sbiṭar, ttenṭerrayen.

S: ihi ad ruḥeɣ ad cerḍeɣ ɣef yiman-iw, ad henniɣ si tekmamt.

R: ala, ilaq-ak ad tqadreḍ ilugan n useḥbiber xas tcerḍeḍ acku akken i d-nenna si tazwara, tzemreḍ ad tawiḍ abirus, ad t-tessneṭḍeḍ i win ur necriḍ ara. Daymi tifrat d acraḍ n medden d tirni.

S: Maca aṭas ay sliɣ ɣef wayen s wayes yezmer ad d-yeglu ucraḍ ɣer sdat?

R: sel-iyi-d tura mliḥ. Aql-aɣ deg yiwet tegnit iweεren aṭas. Mačči d tikkelt tamezwarut i tedder talsa aṭṭanen yettḥazen medden d tirni am covid 19. Yal tikkelt, d acraḍ kan i d tifrat i uḥbas-nsen. Rnu ɣer waya, d imussnawen i yesεan tamussni tameqqrant d talsit i yellan deffir n usewjed d usnulfu n ucraḍ iwatan.

S: Akka imira aql-aɣ la nettidir tallit tis 3 n waṭṭan-a, d acu i tettwaliḍ ad yefru taluft?

R: ay ilaqen, d tuɣalin ɣer ukman s uɣiwel, akemmel n ucraḍ s waṭas, aqader n yilugan n useḥbiber akked tmelsiwt n tekmamt.

Sadeq Bendali

Tasuqilt seg yiẓeḍwan inmettiyen

https://sadbendali.blogspot.com/2021/07/aql-i-cerde.html