Tilelli

Tamarut Dalila Qeddac-Ccix, tbudd-d i tutlayt-inu yiwen uḍris i d-yewwin ɣef usentel n "tlelli". Nettwali-t meqqer wazal-is imi yessawal i uskasi. Tilelli, terza amdan, aɣersiw, timetti, iɣerfan, agama... I kunwi a imdukkal, d acu tettwalim deg waya?

Tilelli, ḥedd ur tt-yefhim acku tilelli ur tesɛi tilelli. Amek ara tili tlelli, nekkni izedɣen di takurt n umaḍal. Ih d takurt, d tamwinest, ulac tawwurt ulac asfaylu am uẓekka.

Amek ara tili tlelli anda tilelli s timmad-is, tugi tilelli. Tesseḍmaɛ amdan i wakken kan ad as-yefk azal acku nettat s timmad-is tɣuc tilelli. Ih ur tḥemmil ara tilelli acku llan yimdanen lemmer ad awḍen s afus-is ad tt-smuɛefnen ad tt-sluɣen am tala niqal yesɛan azal. 

Ass-a, tluɣ, tettwaɛzel, tettwattu. Tilelli, tuggad!  Tuggad tlelli imi ula d tafsut ass-a, ur as-yeḍsi ara umdan xas akken yal aseggas, tettuɣal-d akken ad aɣ-id-tsefqed ma nejjem-itt neɣ ala?! Maca tḥulfa ur teswi ur terri deg wakken ula d amagger n tefsut bran-as yimawlan-is yedda deg tatut. 

Tilelli, tugi tilelli imi dɣa wid iwumi teldi cwiṭ tiṭ sedreɣlen-tt, teqqel s yiwet n tiṭ i yettaǧǧan ineggura ttkukrun-tt... A win ifehmen tilelli, yas-d ɣer tlelli ad as-tt-yessefhem.

 Aḍris n Dalila Qeddac-Ccix

https://sadbendali.blogspot.com/2021/07/tilelli.html