Dda lwennas (tajmilt)

Yir lexbar i yi-d-yiwḍen

Tasebhit mi yuli wass

D lmut n win εzizen 

Ur ḥtameɣ d Lwennas

Ziɣ idammen-is uraden

Acḥal aya heyyan-as.

***              ***

Yemma-s εzizen di lɣerba

Medlent tewwura fell-as

Yemmut yizem i trebba

Tra azekka ɣzan-as

Mi tsuɣ ul-is i iεebba!!

D aεbar yeṭṭerḍeq s rrṣas

****         ****

Suɣen yidurar ḥerken

Neɣlen-d ɣer Wat Dwala

Leqbayel merra ḥeznen

Lwennas ur yuklal ara

Timura n leǧnas wehmen 

Nef lmut-is ur bnin ara

****        ****

Amezruy yettuɣwaɣedren

Dda Lwennas ibder-it-id 

Tidet-nni yettwaffren

Deg yisefra-s yessekfel-itt-id

Idles-nni i aɣ-neṭlen 

Deg unnar yeseḥder-it-id 

****        ****

Ad k-yerhem Rebbi a Lwennas 

Fell-ak yeched umezruy

I lebda kečč d aεessas

Tessuliḍ-aɣ aqerruy

Tabnest, tirrugza d tissas

Ur teqbileḍ aɣelluy

 ****        ****'

Yemma Ɛelǧiya εzizen

Seg yimeṭṭi inab yiẓri-s 

Tenna-k: neṭlemt ger wallen

Azekka-s i d amwanes-is 

Ttrun ula d iɣriben 

Tawrirt Mussa d tiɣremt-is.

Djamila Alem

I tutlayt-inu

https://sadbendali.blogspot.com/2022/03/dda-lwennas-tajmilt.html