Asebter n unelmad

Tiɣri

I wakken ad yessebɣes inelmaden d tnelmadin-nneɣ i tira, ablug "TUTLAYT-INU" ad d-yeg tiɣri-a i yiselmaden, tiselmadin d yimarawen daɣen. Iswi n teɣri , d asekles d uzuzer n yiḍrisen deg yisebtar n ublug-nneɣ. I lmend n waya, a-t-a nga-d "asebter n unelmad". Ad d-nessuter seg-wen ad aɣ-d-taznem aḍris yufraren (yuklalen) seg wid uran yinelmaden-nwen neɣ tarwa-nwen.

Ta, d tagnit yettufarasen, ad tettunefk akk i wid ilemmden deg yiɣerbazen, iɣerbazen ilemmasen d tesnawiyin. Tzemrem ad d-taznem srid ɣer ublug neɣ i S.Bendali. Tesεam azref ad d-taznem yiwen uḍris kan. Nessutur ad yili war igulen, yura ddaw-s yisem n ugrud, taneɣrit (aswir) d uɣerbaz ideg yeqqar s tansa,  ternum-d tawlaft n unelmad neɣ tnelmadt. Ma ur tewjid ara tewlaft-is, aznet-d tin n uɣerbaz-is neɣ n taddart-is (ulac uɣilif).

G.M:

Tzemrem daɣen ad aɣ-d-taznem tugna neɣ unuɣ icebḥen i yexdem ugrud. Tutlayt-inu, la ken-tettraǧu s tumert.

Tanemmirt.

Tutlayt-inu