Asefru: tagmat

Ulac idles, ulac iles 

Di tmurt itetten arraw-is

Mi bedden ad ččen tiɣrit

Win iqerben ɣur-s

Ala ammus ara yames

Ma yenṭeq-d ad yečč tiɣrit

Ur yezmir yiwen weḥd-s

Anida yedda teεkes

Ma yedda ad yečč tiɣrit

Asɣar si tezdemt yenqes

Wi iεeddan ad t-yeεfes

Ulac tagmat, ad yečč tiɣrit

D tadukli ay nxuss

Gar-aneɣ nettak afus

Ccah, akka ara ntett tiɣrit

D Rebbi i d aεessas

Ad ɣ-yekkes lweswas

Gar-aneɣ ad tezdi tayri

Yal wa ad yeεqel gma-s

Ur yettak afus fell-as

Ur t-yettaǧǧa ad yeɣli

Ad neḍfer abrid n Lwennas

Ad nebnu tamurt ɣef llsas

Nnif-tagmat d tdukli

Ad necbu timura n leǧnas

Tudert ad s-nefk lqima-s

Ma neddukel, nerra-d i teɣri

Farida Cebbiri