Amallal d amyag i nrennu i umyag agejdan (zdat-s) akken ad d-imel akud. Yessebyan-d daɣen talɣa tibawt d wudem. Llan sin yimallalen d igejdanen, nessemras-iten aṭas. Wi d "aɣ" d "ili".
Imallalen "aɣ. ili":
- Lliɣ qqimeɣ di tebḥirt.
- Tuɣ-iyi qqimeɣ di tebḥirt.
- Tuɣ qqimeɣ di tebḥirt.
- Ad iliɣ qqimeɣ di tebḥirt.
- Ad iyi-taɣ qqimeɣ di tebḥirt.
- Ad taɣ qqimeɣ di tebḥirt.
- Ttiliɣ qqimeɣ di tebḥirt.
- Tettaɣ-iyi qqimeɣ di tebḥirt.
- Tettaɣ qqimeɣ di tebḥirt.
Imyagen imallalen nniḍen:
Ha-ten-a yimallalen nniḍen, asemres-nsen ur yeggit ara:
- Qqim: Yeqqim yettraǧu ar mi d tameddit.
- Ṭṭef: Yeṭṭef yessenɣel taqecwalt n uzemmur.
- Uɣal: Tessaki-t yemma-s, yuɣal igen.
- Ddu: Tedduɣ ad ffɣeɣ dɣa yebda ugeffur.
- Ezg: Tezga tegguni di tala d tsednan.
- Wwet: Yewwet yettnadi fell-as ur t-yufi.
- Kker: Nekker ad nruḥ, yebda usḥissef.
- Bdu: Yebda la d-iɣelli ugeffur.
Sadeq Bendali
Ma tezmert, matta yella unamek n umyag amellal: Aɣ?
RépondreSupprimerAnamek n umyag "aɣ" mi ara yettili d amallal, nessemras-it akken yella yella di tefyar n yimedyaten. Amallal "aɣ" izewwir amyag nniḍen, md:
Supprimer- Tuɣ-it ikerrez. (Il était entrain de labourer.
Nezmer daɣen, ad nessemres war awsil, md: Tun ikerrez.
Anamek n "aɣ" amallak d "être entrain de" n Tefransist.
Tamawt:
Amyag "aɣ" ma ur t-yeḍfir ara umyag wus sen, ur as-neqqar ca d amallal.
* "Aɣ" d yiwen umyag agetnamkan, yezmer ad yesεu aṭas yinumak, am:
- yuɣ tameṭṭut= yercel yid-s
- Yuɣ awal = iḥesses, yeḍfer rray
- Yuɣ azger = yesɣ-d azger
- .........................