Taseftit: timeẓra n umyag

Amyag yezmer ad yesεu smuset (5) talɣiwin

yemgaraden deg unamek s wassaɣ d wakud neɣ d tegnit n tiḍri n tigawt. Yal ta neqqar-as timeẓri. Ha-tent-a tmeẓra:

- URMIR: yemmal tigawt taḥerfit

- URMIR USSID: yemmal tigawt yettalsen (yettεawaden) neɣ ɣezzifen.

- IZRI: yemmal yezrin, yeḍran yekfa.

- ANAḌ: yemmal asendeh ɣef tigawt taḥerfit.

- ANAḌ USSID: yemmal asendeh ɣef tigawt yettalsen neɣ ɣezzifen.

Imedyaten:

- Urmir: ad yawi, ad nekcem, ad teqqim...

- Urmir ussid: yettawi, nkeccem, tettɣima...

- Izri: yewwi, nekcem, teqqim, ssneɣ, tuliḍ...

- Anaḍ: awi, kecmet, qqimemt, issin, alit ...

- Anaḍ ussid: ttawi, keccmet, ttissin, ttalit...

Tamawt:

Izri d wurmir ussid sεan snat talɣiwin: talɣa tilawt d talɣa tibawt. Yal wa yettili d ILAW neɣ d IBAW.

a- Izri ilaw: yuder, yegzem, yella.

b- Izri ibaw: ur yudir, ur yegzim, ur yelli.

a- Urmir ussid ilaw: yettader, igezzem.

b - Urmir ussid ibaw: ur yettader, ur igezzem.