Tasnalmudt: aɣawas n wullis

Deg wullis, nettaf smuset talliyin (5 yeḥricen), zdint akk ullisen, ttilint ɣef talɣa n uɣawas-a:

1. TAGNIT N TAZWARA: 

- Yettili-d deg-s usenked n uwadem agejdan d yiwudam isinanen, adeg,  akud.

2. AFERDIS AMERWAY: 

- Yettbeddil tagnit n tazwara. D tadyant i d-igellun s yineḍruyen d tigawin n wullis. Yettili d timlilit, d tadyant ur nettraǧu ara ad d-teḍru...

3. INEḌRUYEN neɣ TIGAWIN: 

- D tigawin i iga uwadem agejdan d yiwudam nniḍen n wullis. Gellun-d s umhaz apsikuluji n uwadem agejdan. D tidyanin yettemyeḍfaren, ta tcudd ɣer ta. 

4. AFSAY neɣ TIFRAT: 

- Yis-s i ttfakkant tigawin, d tadyant i d-yemmalen taggara n tmukrist d tifrat-is. 

5. TAGNIT N TAGGARA: 

- Ta, d agmuḍ neɣ d taggara n wullis. Tettili telha, tgellu-d s tumert neɣ diri-tt, tessegray-d asḥissef neɣ yir addad.