Tifert, d yiwen warrat seg warraten i yessemras uselmad (neɣ taselmadt) deg umahil-is aɣurbiz. Temmal-as d acu ara yexdem d yinelmaden-is mi ara asen-yessenked tamsirt n kra n urmud di tneɣrit. Tifert, tegber azwel, tibuda, tisemlilin.
Aselmad, yessefk ad iheyyi tifert n temsirt send anekcum-is ɣer usmil. Yessewjad-itt qbel ad yemlil d yigerdan i yesselmad. S wakka, yeẓra iswi i ijerred akken ad yaweḍ ɣur-s yid-sen d tmussniwin ara awin neɣ ara reṣṣin deg wallaɣen-nsen. Umlan i yellan di tifert, ilaq ad ilin ṣeḥḥan, ttwagmen-d (ttwaddmen-s) si teɣbula iṣeḥḥan, yebnan ala ɣef tidet.
Agbur n tifert, yessefk ad yili, iban, yefra, yeshel i uḍfar sɣur aselmad. Allal-a, yettili-as d amεiwen i usedfu n temsirt di tegnit igerrzen, war kra n wugur. Daɣen, yettal-it deg usnerni n tektiwin i yettembeddal d yigerdan-is. S wakka, i yettaweḍ lebɣi-s di temsirin, irennu wazal-is ɣer yinelmaden-is.
S-BENDALI
Commentaires
Enregistrer un commentaire