Tismin: d taɣara neɣ d aṭṭan!

 Tismin, ur d-ttawint ayen yelhan ama i bab-nsent, ama i win iɣef llant. At tismin, ttnadin ad sxerben, ad cemmten, ad hudden ayen ur zmiren ad awḍen ɣur-s neɣ ad t-xedmen nitni. 

Tismin, qqazent deg wulawen iberkanen n wid ur nḥemmel i wiyeḍ: ad icbiḥen, ad amren, ad issinen, ad banen, ad sεun... Tismin, d tiderɣalin, ssekcament iman-nsent deg wid d wayen yexḍan bab-nsent. 

Tismin, ssawaḍent ɣer tzelgi d truẓi.  Γur-sent: ma yelha kra, ad yuɣal diri-t; ma iseggem kra, ad t-rrent yexser; ma iban-d kra, ad t-ffrent... Wissen ma yella usafar yesseḥlayen imuḍan n tismin nen ulac! 

Qqaren medden daɣen, llant tismin yelhan. Ti, win i tent-ilan, yessemras-itent akken ad yali uswir-is di tezrawin, amahil, addal, ayla, tahuski... Maca, annect-a, yezmer ad yili d tidet ma ulac tebrek n wulawen.


Sadeq Bendali

Commentaires

  1. Tismin tikwal d aṭṭan ; ttawint-d lmaḍerra ama i bab-nsent neɣ i win iɣef d-llant tismin-agi.
    Llant tislin i icebḥen, d-igellun s nnfeε, mi ara dehment amdan ad yezwar, ad iεaned Ɣer wayen yelhan.

    RépondreSupprimer

Enregistrer un commentaire