Tasleḍt (1)

Kra n yimedyaten n tesleḍt:
(akken i d-tettili di tesnawit d uɣerbaz alemmas)

1. Tuzen tabrat i nanna-s.
2. Ad yekcem waruy deg uεerqub n yibawen.
3. Yettawi-as-tent-id uqcic, tameddit.

Tafyirt 1:  Tuzen tabrat i dadda-s.

tuzen: d amyag yeftin ɣer yizri ilaw d wudem wis 3 n wasuf unti.
t: d amatar udmawan, d amigaw (d asentel).
uzen: d afeggag, d aseɣru umyig (amyagan)
tabrat: d isem asuf unti, deg waddad ilelli, d asemmad usrid.
i: d tanzeɣt
dadda: d isem asuf amalay, deg waddad amaruz, d asemmad arusrid.
s: d amqim awsil, d asemmad n yisem.

Tafyirt 2: Ad yekcem waruy deg uεerqub n yibawen.

ad: d tazelɣa n yimal (n wurmir).
yekcem: d amyag yeftin ɣer wurmir d wudem wis 3 n wasuf amalay.
ye: d amatar udmawan, d amigaw (d asentel).
kcem: d afeggag , d aseɣru umyig (amyagan).
waruy: d isem amalay asuf, deg waddad amaruz, d asemmad imsegzi (asegzay - n umeskar)
deg: d tanzeɣt.
uεerqub: d isem asuf amalay, deg waddad amaruz, d asemmad s tenzeɣt.
n: d tanzeɣt.
yibawen: d isem asget amalay, deg waddad amaruz, d asemmad n yisem.

Tafyirt 3: Yettawi-as-tent-id uqcic, tameddit.

yettawi-id: d amyag yeftin ɣer wurmir ussid ilaw d wudem wis 3 n wasuf umalay.
ye: d amatar udmawan, d amigaw (d asentel)
ttawi: d afeggag, d aseɣru umyig (amyagan).
as: d amqim awṣil n umyag, d asemmad arusrid.
tent: d amqim awṣil n umyag, d asemmad usrid.
id: d tazelɣa n tnila.
uqcic: d isem asuf amalay, deg waddad amaruz, d asemmad imsegzi (asegzay - n umeskar)
tameddit: d amernu n wakud.

Sadaq Bendali

https://sadbendali.blogspot.com/2020/12/tasledt.html