Arbib

Asniles uṭṭun 10: (S.Bendali)

I yinelmaden n BAK

Arbib, d awal ameskil yemmalen amek iga kra (isem). S umata, irbiben nessuddum-iten-d seg yimyagen n tɣara maca ttekken-d ula seg yimyagen imugna. Am yisem, arbib, iseεεu snat tewsatin,  sin yimḍanen d sin waddaden.

a. Snat tewsatin:

• amalay: aqcic awezlan

• unti: taqcict tawezlant

b. Sin yimḍanen:

• asuf: anelmad uḥric

• asget: inelmaden uḥricen

c. Sin waddaden:

• addad ilelli: afus amellal

• addad amaruz: afus n uberkan

Imedyaten nniḍen:

• awraɣ seg iwriɣ

• aẓayan seg aẓay

• amessas seg imsus

• aberkan seg ibrik

• unciw seg ncew

• aquran seg qqar

• amezwaru seg zwir

• azewwaɣ seg izwiɣ

https://sadbendali.blogspot.com/2021/05/arbib.html