Ismawen at tussda iḍefren tiɣri tamezwarut

le

Ismawen i ilan tussda di tergalt iḍefren tiɣri tamezwarut, mgaraden ɣef wiyeḍ di tesnalɣa. Deg wacu i mgaraden fell-asen?

  1. Deg usileɣ n usget:

Ismawen-a, d irmeskilen di tazwara-nsen: ama d tiɣri tamezwarut ama d tussda i yellan deg wasuf, ttɣimant akken llant deg usget, ur ttbeddilent ara. Abeddel ger wasuf d usget, nettaf-it kan di tlemmast neɣ di taggara, s temlellit neɣ s tehrayt. Md:

  • Uccen/uccanen, tuccent/tuccanin

  • Addad/addaden, tattalt/tattalin

  1. Deg usileɣ n waddad amaruz:

Ismawen-a, ur tettbeddil ara teɣri-nsen tamezwarut, ur tɣelli ara tussda i tt-iḍefren.

a- Deg umalay, trennu targalt "y" zdat teɣri tamezwarut, ma tella d "i", md:

(iccer/yiccer)..

Ma d "a" neɣ d "u", nrennu kan targalt "w" zdat-s., md: 

  • Addal/waddal

  • Uccen/wuccen..

b- Deg wunti, talɣa-nsen deg waddad amaruz, d tin n waddad-nsen ilelli, ulac abeddel, md: 

  • Ticcert, teqqur > Teqqur ticcert.

  • Tallest, tuḍen > Tuḍen tallest

  • Tuccent, temmut > Temmut tuccent.

Sadaq Bendali

https://sadbendali.blogspot.com/2021/05/ismawen-at-tussda-idefren-tiri.html

Commentaires

Enregistrer un commentaire