Asniles uṭṭun 4 (S.Bendali)
i yinelmaden imazwaren n Bakalurya
Kra n yimedyaten n tesleḍt:
Tesseww imensi i twacult-is.
Yuɣal-d ufellaḥ seg yiger n uzaɣar.
Ad as-tent-yefk uselmad, azekka.
Tafyirt 1:
Tesseww: d amyag yeftin ɣer yizri ilaw d wudem wis 3 n wunti asuf.
te: d amatar udmawan, d amigaw (d asentel).
sseww: d afeggag, d aseɣru umyig.
imensi: d isem amalay asuf, deg waddad ilelli, d asemmad usrid.
i: d tanzeɣt
twacult: d isem unti asuf, deg waddad amaruz, d asemmad arusrid.
is: d amqim awsil, d asemmad n yisem.
Tafyirt 2:
Ad as-tent-yefk uselmad, azekka.
ad: d tazelɣa n yimal (n wurmir)
as: d amqim awsil, d asemmad arusrid.
tent: d amqim awdsil, d asemmad usrid.
uselmad: d isem amalay asuf, deg waddad amaruz, d asemmad imsegzi (n umeskar)
azekka: d amernu n wakud.
Tafyirt 3:
Uɣalen-d warrac seg yiger n uzaɣar.
uɣalen-d: d amyag yeftin ɣer yizri ilaw d wudem wis 3 n umalay asget.
uɣal: d afeggag, d aseɣru umyig.
en: d amatar udmawan, d amugaw (d asentel)
d: d tazelɣa n tnila.
warrac: d isem amalay asget, deg waddad amaruz, d asemmad imsegzi (n umeskar)
seg: d tanzeɣt.
yiger: d isem amalay asuf, deg waddad amaruz, d asemmad s tenzeɣt.
n: d tanzeɣt.
uzaɣar: d isem amalay asuf, deg waddad amaruz, d asemmad n yisem.
Commentaires
Enregistrer un commentaire