Si tama d anfafad, si tayeḍ d timest

Imuras, d tagnit ideg nettfaras nekkni s yinelmaden urar d umerreḥ, d acu kan, nufa-d taswiɛt akken niḍen, si tama d anfafad, si tama niḍen d times.

2970, d aseggas i deg nesɛedda tiswiɛin qerriḥen neɣ tiyitiwin d tlufa i d-yeɣlin ɣef yiwet n ddeqqet. Ihi ugur-is, d anfafad i d-yerzan si tmurt n Cinwa srid ɣer tmura tiberraniyin syin ɣer tmurt-nneɣ Lezzayer.       

Assa, imi d-yerza aql-aɣ deg sin n yiseggasen nettemɛetnay yid-s , imejjayen dayen kfan ifadden-nsen. Nezmer ad d- nini, imeṭṭawen ɣef wallen-nneɣ i rsen.  

Agdud, am liḥala n tegnawt i yuɣal, taswiɛt ad ak-inin numen , tayeḍ ur numin ara. Nuɣal nectaq wid i nḥemmel , iɣriben nettu amek i uɣalen. Acḥal d tirwiḥin i aɣ-yeǧǧan acḥal i ikemnen ɣas s lmut am tewwura n lḥebs i tettelli, tettawi kan mebla acuḥḥu. 

   

Ma nuɣal ɣer tmes, ad tzeddem mebla akukru nenna-as kan ad aɣ-tawi, nuɣal nettwajab melmi ara d-telḥeq . D acu kan yettɣaḍ lḥal imi ulac tadukli, tekfa tegmat . Ɣer taggara , ad menniɣ rreḥma i wid yemmuten , ccfa s leɛjel i wid yuḍnen, teɣzi n waddar i nekkni i d-yeqqimen .

   

S yisem-iw, ad hduɣ awellih i wegdud: sɛut tadukli, smerset tagmat akken ad tili tlelli; ad d-neggri d tasuta igerrzen, iṣeḥḥan.

Tagnit-a, nesɛedda-tt-id amzun akken d tirga mxalfa. Nessaram ad yerẓ Rebbi imcumen, ad truḥ ccedda , ad aysent tlufa.

Tanelmadt n uɣerbaz alemmas:

Lina Ureḥmun

I Tutlayt-inu

https://sadbendali.blogspot.com/2021/10/si-tama-d-anfafad-si-tayed-d-timest.html