Taddart n At Muḥ Usεid

Taddart n Muḥ Usεid d yiwet n taddart tamecṭuḥt seg lεerc n Yiberquqen, taɣiwant n Mεatqa.

Taddart-a, zzint-as-d ukkuz n tudrin ; seg ugafa d Tajdiwt, seg usammer d At Ḥmed, ma seg tama n umalu d Tamadaɣt n Uzemmur, si tama n unẓul d Aεeffir.

Semman-as i taddart-a At Muḥ Usεid ɣef yisem n mmi-s n urgaz amezwaru i izedɣen taddart-a * Saεid * . 

Deg Wat Muḥ Usεid, ad naf yiwen n umraḥ d ameqqran, d azedgan, ssawalen-as * Tifsarin* xeddmen deg-s timecredt, timeɣriwin d lewεadi. Akken ara naf lǧameε deg ttẓallan yimezdaɣ, leḥyuḍ-is εlayit, d imellalen.  Tama n lǧameε tella tala, aman-is d ddwa i yimuḍan, d isemmaḍen, d iḥlawanen.

Tizeɣwa n lejdud, ar assa mazal-itent beddent, xas akken yeṭṭuqqet lebni amaynut. Zdat yimnaren n tewwura, rsen yiqbucen n yijeǧǧigen i ẓẓant tlawin n taddart. Tiẓegwa n At Muḥ Usεid, εemrent d iεerqab n uzemmur, ddeqs n yimezdaɣ ssasayen-d deg-s tudert-nsen. Berra n taddart, tella yiwet n lqahwa ideg d-ttemlilin yimezdaɣ.

Imezdaɣ n taddart n Muḥ Usεid, ttwassnen s tegmat d trugza, wa ireffed wayeḍ, ur ttaǧǧan ara ameɣbun neɣ win yennexsasen ad iḍaε.

Inelmaden deg useggas wis 2 n uɣerbaz alemmas: Muḥemmed Sɣir Nirmin akked Muḥemmed Sɣir Amin.
I Tutlayt-inu

https://sadbendali.blogspot.com/2021/10/taddart-n-at-muh-usid.html