Aṭas n medden, mi ara ttmeslayen, tekksen-as anamek i umyag "ɣaḍ", ttarran deg wadeg-is, anamek n umyag attwaɣ "ttuɣaḍ". Aya, yekka-d seg wakken "ɣaḍ" d amyag yerzan addad (lḥala deg way deg yella walbeεḍ), ur yemmal ara kra n tigawt. Mi ara d-yini yiwen "yettuɣaḍ umuḍin", tafyirt ur teɣdim ara. Tin iṣeḥḥan d ta: yettɣaḍ umuḍin. S yimedyaten kan i nezmer ad negzu, ad nekkes ugur-a.
1. Mi ara d-nini:
a- Igellil iɣaḍ Masil, d izri.
b- Igellil ad iɣaḍ Masil, d urmir.
c- Igellil yettɣaḍ Masil, d urmir ussid. 3 tefyar kifkif, am wakken d yiwet. Amyag ur ibeddel ara, temgarad kan tmeẓri.
2.Mi ara d-nini "Yettuɣaḍ", iban d Masil i yettuɣaḍen imi iḥuza-t uɣiḍi n yigellil, tḥuza-t liḥala-s.
Ulamek ara ad yili yigellil yettɣaḍ imi d-nenna si tazwara belli "iɣaḍ".
Taggara n wawal:
- Igellil iɣaḍ Masil (yerra-t ḥnin fell-as).
- Masil yettuɣaḍ, sɣur yigellil (tḥuza-t liḥal n uɣiḍi n yigellil.
Di tjerrumt:
- Amyag "ɣaḍ", d amyag amenzu (verbe primaire).
- Amyag "ttuɣaḍ", d amyag asuddim attwaɣ (verbe dérivé passif)
Commentaires
Enregistrer un commentaire