Assa, ad d-nawi awal ɣef yiwet tmurt, amur ameqqran n yimezdaɣen-is d Aεraben deg yidammen (80%); mačči am Lezzayer ideg llan azal n 30% ttmeslayen yiwet si tantaliwin n Tmaziɣt; ulamma +94% laṣel-nsen d Amaziɣ. Ha-t-a wayen yuran di tmendawt n Lεiraq n 2005 ɣef tmagit d tutlayin:
AMAGRAD 3:
Lεiraq, d tamurt ideg ggten yiɣerfan d tserḍin (ddyanat), tettekka deg ugraw n yiwunak aεraben (ligue arabe), tqeddec deg-s, teṭṭafar isuḍaf-is; tettekka deg umaḍal ineslem.
AMAGRAD 4:
Tamezwarut: Tutlayt taεrabt d tutlayt takurdit d tutlayin tunṣibin (di snat) n Lεiraq. Iεiraqiyen, yettwaḍmen-asen uzref-nsen deg uselmed n tarwa-nsen s tutlayt n tyemmat am Tturekmanit, Tasiryanit, Tarmanit, deg yiɣerbazen n unabaḍ (aḥric azayez) s yisuḍaf n uḥric n uselmed d usegmi, neɣ s kra n tutlayt nniḍen.
Tis snat: Asemres deg unnar n yirem n tutlayt tunsibt d usnas n umagrad-a, yella deg usaḍuf i igebren:
a. Tuffɣa (tira) n uɣmis unsib s snat tutlayin
b. Ameslay, askasi d usenfali di taɣulin tunsibin am useqqamu n yimazanen (parlement), aseqqamu n yineɣlafen, tinefra (ixxamen n ccreε), iswiren d yigrawen unsiben s yiwet si snat tutlayin-a (Taεrabt neɣ Takurdit)
c. Akk arraten unsiben ara yarun di snat tutlayin-a yesεa azal
d. Alday n yiɣerbazen s snat tutlayin-a s uḍfar n yisuḍaf d yilugan n uḥric n usedwel d uselmed
e. Akk taɣulin nniḍen, ad ssεedlent (di tira) ger snat tutlayin, am yidrimen, arraten tmagit, izegrilasen (passeports), iziwal (timbres).
Sadeq Bendali
Tanemmirt a Mass!
RépondreSupprimerZgiɣ ttnadiɣ imagraden aydeg ara d-afeɣ ugar n telɣa ɣef wamek yettwasnes usenṣeb-a deg unrar maca drus andq ay ten-ttafeɣ. Γef umedya, deg wayen yerzan takurdit deg Ɛiraq, ɣseɣ ad ẓreɣ ma yella dɣa d tidet akk isaḍufen iεiraqiyen ttwassuqqlen-d ɣer tutlayt-a yernu d acu-ten wuguren ara ilin mlalen-ten-id deg waya, ladɣa deg wayen yerzan tasniremt (terminology).
RépondreSupprimer