Tasleḍt n uḍris

Acu d tasleḍt n uḍris?

Aslaḍ neɣ tasleḍt n uḍris d asebyen n yiferdisen s wayes yeṣka (yebna). Iswi-nnes, d tigzi n wayen i yessawḍen amaru yura aḍris. I wakken ad nessiweḍ yessefk ad d-nessuffeɣ assaɣen yellan ger  yiferdisen-a s wayes ara neg aɣawas. Send taɣuri, ilaq ad nẓer tagnit ideg yura umaru aḍris-is. Yewwi-d ad nezwir s tuṭṭfa n tezmilin n 7  yiferdisen-a:

1. Amaru: 

- D anwa-t? asileɣ-is? assaɣ-is d usentel n tira?

2. Acu yebɣa umaru:

- Iswi-is di tira n uḍris? d acu n tegnit ideg i t-yura? (tadelsant, tinmettit, tasertant...)

3. Anaw n uḍris:

- D awennit, d turda, d amagrad i tesɣunt?

4. Asentel n uḍris:

- D acu d tikti tamatut n uḍris? Γef wacu i d-yettmeslay umaru?

5. Tikti n uwelleh neɣ turda:

- D acu i d tikti tagejdant iɣef yebna akk uḍris? Γef wacu yewwet umaru deg uḍris?

6. Tiktiwin tigejdanin (tisinanin) d yifukal.

- Γef wacu yebna umaru tikti-s n uwelleh? ifurkan-is? s wayes yettal umaru tiktiwin-is (tisulal)?

7. Tagrayt n umaru:

- D acu n yigmaḍ i d-yessuffeɣ umaru seg uḍris-is?

Aɣawas n tesleḍt n uḍris: 

Mi neɣra aḍris nules-as, nerna nessuffeɣ-d iferdisen (7), ad as-neg aɣawas n tira. Tasleḍt n uḍris, yessefk ad tegber:

TAZWART:

- Ad d-bessenked deg-s asentel n uḍris, amaru (neɣ ameskar), anaw n uḍris d wayen iɣer "yettmili". Dyin akkin ad d-nini turda-nnes d tekti n uwelleh d yeḥricen imeqqranen n usnefli-is.

ASNEFLI:

- Aεiwed n uṣkay (n lebni) n tmeẓla tasfukalt (argumentaire) s usuffeɣ n wassaɣen d tamkiwin (procédés) i yessemres umaru.

TAGRAYT:

- Asemlili n uxemmem n umaru s wesmekti n tektiwin timeqqranin n uḍris. Ad nessumer alday (tullya) ɣef usentek i usnerni d usemner n yizen-is nef yimeɣriyen. Nezmer ad d-nefk tamuɣli-nneɣ, deg uḥric-a, ɣef tarrayt n tarrayt n umaru.

Sadaq Bendali